Itinaas ng PHILVOCS sa Intensity 7 ang pinsala ng lindol na yumanig sa malaking bahagi ng Lanao Del Sur at Bukidnon kaninang umaga.
Ipinaliwanag ng PHILVOCS na bagaman naitala sa magnitude 6 ang lakas ng lindol, ang pinsala naman nito sa mga naapektuhan ng lindol ay kanilang itinaas sa intensity 7.
Ayon sa PHIVOLCS, ibinase nila ang intensity level upgrade sa lawak ng pinsala na kanilang natatanggap batay sa mas pinalawak na post-quake information gathering.
Kasabay nito, inihayag ng PHILVOCS na asahan ang sunud-sunod pang mga aftershocks sa mga lugar na nakaranas ng pagyanig.
By: Meann Tanbio
