Posibleng makatapat ng PDP Laban ang binuong partido pulitikal ni Davao City Mayor Sara Duterte-Carpio sa 2019 elections.
Ayon ito kay Senate president Koko Pimentel bagamat makukumpirma pa ito sa Oktubre kung kailan ihahain ang Certificate of Candidacy.
Sinabi ni Pimentel na hamon sa PDP Laban ang pagsasabong ng mga kandidato sa buong bansa na aniya’y plano nila.
Kasabay nito inihayag ni Pimentel na regional party ang binuo ni Mayor Sara kayat wala itong dapat na epekto sa PDP Laban na uubrang maging miyembro ng local party o kahit pa ng party list.
Magugunitang binuo ng Presidential Daughter ang HNP o Hugpong ng Pagbabago na aniya’y may go signal ng amang si Pangulong Rodrigo Duterte.
Posted by: Robert Eugenio
