Nag-ikot na si incoming Presidential Communications Operations Secretary Martin Andanar ang ilang opisina na nasa ilalim ng Presidential Communications Operations Office o PCOO.
Ayon kay outgoing Communications Secretary Sonny Coloma, inimbitahan niya si Andanar upang makita nito ang sitwasyon ng mass media assets ng pamahalaan.
Kabilang sa binisita ng dalawa ang Philippine Information Agency o PIA, PTV 4, PBS Radio ng Bayan at Apo Production Unit.
Napuntahan na rin anya nila ang National Printing Office maging ang Malacañang para makita ang Radio TV Malacanang, NIB., at new executive building kung nasaan ang press briefing room at press working area.
Layon ng kanilang pag-iikot ay maipakita ang kabuuan ng government media assets na maaaring gamitin ng Duterte Administration sa pagpapalaganap ng mensahe ng pamahalaan.
By: Drew Nacino
