Nagpositibo sa COVID-19 si Police Brig. General Florencio Ortilla, ang hepe ng Aviation Security Group (PNP-AvSeGroup).
Kinumpirma ito ni Administrative Support to COVID-19 Operations Task Force Commander at Deputy Chief For Administration Lt. General Guillermo Eleazar (ASCOTF).
Ayon kay Eleazar, sumasailalim na si Ortilla sa gamutan at naka-isolate na rin habang tinatapos ang kanyang 14 day quarantine period.
Pebrero 2 nang mag-ikot si Ortilla sa NAIA para mag-inspeksyon kasabay ng kanyang unang araw o bilang hepe ng Avsegroup.
Dumalo rin ito sa command conference sa Clark Pampanga at nakaranas na ng sintomas ng COVID-19, pag-uwi ng Maynila.
