Imbitado si Pangulong Rodrigo Duterte sa Pope’s Day Celebration na gaganapin sa Biyernes, Hunyo 29 sa Papal Nunciature Residence sa Taft Avenue sa Maynila.
Ayon kay Pastor Boy Saycon, miyembro ng binuong komite ni Pangulong Duterte para makipagdalayogo sa mga obispo, ang nagpadala ng imbitasyon ay si Papal Nuncio to the Philippine Archbishop Gabriele Giordano Caccia.
Ngunit sinabi ni Presidential Spokesman Harry Roque na walang pang katiyakan kung makakadalo ang Pangulo sa nasabing aktibidad.
Wala pa rin umano siyang ideya kung ang ipapadala niya ba sa okasyon ay ang kaniyang binuong three-man committee na kinabibilangan ni Saycon, Roque at si Foreign Undersecretary Ernesto Abella.
—-