Anim na ang nasawi sa Dinagat Islands dahil sa mga sakit na dulot ng maruming tubig matapos manalasa ang Bagyong Odette.
Ayon sa Dinagat Islands PDRRMO Officer Rosario Alon, Jr., nasa 25 na ang death toll dahil sa bagyong Odette sa kanilang lalawigan.
Tatlo ang nasawi sa 123 naitalang kaso ng acute gastroenteritis dahil sa kawalan ng malinis na tubig partikular mula sa mga bayan ng Dinagat, San Jose, Tubajon, Basilisa at Cagdianao.
23 kaso naman ng severe dehydration ang naitala at naka-admit ngayon sa Dinagat District Hospital na ikinasawi rin ng tatlo katao.
