Nakahanda ang pamahalaang lungsod ng Pasig sa gagawin nitong vaccination program kontra COVID-19.
Sa panayam ng DWIZ, sinabi ni Pasig City Mayor Vico Sotto, na bagama’t mahirap ang vaccination program iginiit nito na nakahanda ang kanilang lungsod na magsagawa ng pagbabakuna sang-ayon sa kanilang vaccination plan.
Handa po kami dito sa Pasig, para sa rollout ng bakuna [kontra COVID-19]. This is a very a difficult program, one of a biggest program that we ever seen itong national immunization program natin para sa COVID-19,” ani Sotto
Dagdag ni Sotto, kanilang ipa-prayoridad sa vaccination program ang mga frontline health workers sa lungsod at susundan ng mga indibidwal na kabilang sa mga vulnerable sectors gaya ng mga nakatatanda.
Paliwanag ni Sotto, ang dapat lamang gawin ng kanilang mga residente, ay mag-parehistro sa contact tracing app ng lungsod na pasig pass para mapabilang sa mga babakunahan kontra COVID-19.
Ayon sa Department of Health guidelines sa healthcare workers mga doktor natin pati po mga staff halimbawa naghahanda ng pagkain sa ospital sila po ang mauuna. Nasa 12 thousand po ito sa lungsod ng Pasig ‘yung pangalawa naman po ay mga senior citizen pati persons with disabilities. May working database po tayo niyan. Ang mahalaga ay dapat nakarehistro sila sa ating Pasig Pass,” ani Sotto sa panayam ng Teka Teka alas-4:30 na!