Nagbigay ng libreng sakay sa Pasig River Ferry ang Metropolitan Manila Development Authority (MMDA) ngayong araw.
Ito ay paraan ng MMDA para magpasalamat sa publiko ngayong ipinagdiriwang ng ahensya ang ika-40 anibersaryo nito.
Nagsimula ang libreng sakay kaninang alas -8:00 ng umaga na tatagal hanggang alas-5:00 ng hapon sa 11 istasyon ng ferry service.
Kabilang sa mga ito ang Pinagbuhatan at San Joaquin sa lungsod ng Pasig, Guadalupe at Valenzuela sa Makati, Hulo sa Mandaluyong, PUP Sta. Mesa, Sta. Ana, Lambingan, Lawton, Escolta at Plaza Mexico sa Maynila.
By Ralph Obina | Allan Francisco
