Pinapapalitan na ng Department of Health (DOH) ang One Health Pass ng E-Arrival Card.
Ito, ayon kay DOH Officer-In-Charge Maria Rosario Vergeire, ay dahil sa mga reklamong natatanggap mula sa mga biyahero.
Para anya mabawasan ang restriction, papalitan ang One Health Pass ng E-Arrival Card, kung saan kaunting requirements at datos ang hinihingi.
Kailangan ang One Health Pass para sa mga biyahero na magparehistro sa online portal bago sumakay ng eroplano para sa kanilang Electronic Health Declaration.
Ipinatupad ang nasabing pass upang magkaroon ng sentralisadong database para sa mga domestic at international passenger. —sa ulat ni Raoul Esperas (Patrol 45), sa panulat ni Jenn Patrolla
