Nananawagan ang pamunuan ng Pasay Public Cemetery sa mga bibisita sa sementeryo na maagang alamin ang kinaroroonan ng puntod ng kani-kanilang mga mahal sa buhay bago ang araw ng undas.
Ayon kay Pasay Public Cemetery Operations Manager Jayro Santos, karaniwang sumasabay sa buhos ng mga dumadalaw sa sementeryo ang dami rin ng mga taong naghahanap ng mga nawawalang puntod.
Aniya, ilan sa mga bumibisita ang naliligaw habang may ilan ding hindi mahanap ang mga puntod ng kani-kanilang mga mahal sa buhay.
Sinabi ni Santos, may posibilidad kasing kinuha na ng pamunuan ang mga buto ng mga yumao matapos hindi makabayad ng ilang taon ng kanilang mga kaanak.