Lumabas sa isinagawang survey ng OCTA Research na umabot sa pitumpu’t tatlong porsyento ng mga Pilipino na nasa lower income class ang nagsabing laganap ang isyu sa bribery o panunuhol at vote buying na isang uri ng korapsyon sa bansa, habang sa mas nakaka-angat na sektor ay mas napuna ang public irregularities at procurement issues.
Sa naturang survey, sinundan ito ng irregularidad sa paggamit ng pondo ng bayan sa 66%, vote buying na umaabot sa 64%, at mabagal na hustisya sa 54%.
Dahil dito, inirekomenda ng OCTA ang mas malinaw na proseso sa mga transaksyon sa gobyerno, pagpapalakas ng audit at procurement safety guards, digitalization, at mas mahigpit na pagpapatupad ng batas laban sa panunuhol at pagbili ng boto, gayundin ang kahalagahan ng whistleblower protection at partisipasyon ng civil society para mapalakas ang pananagutan sa pamahalaan.
Bukod dito, kailangan din anya ng epektibong anti-corruption strategies na tutugon hindi lang sa institutional structures kundi pati sa karanasan ng publiko.
Isinagawa ang survey noong Disyembre 3 – Disyembre 11 sa pamamagitan ng face-to-face interviews sa higit isanlibong Pilipino.
