Nilinaw ng Malakanyang na wala pang napag-uusapan sa administrasyon hinggil sa muling pagsapi ng Pilipinas sa International Criminal Court.
Ito’y matapos pangalanan ng ICC si Senators Ronald Dela Rosa, Christopher Go, at iba pang matataas na dating opisyal ng Philippine National Police, bilang co-perpetrators ni dating Pangulong Rodrigo Duterte sa madugong war on drugs.
Ayon kay Palace Press Officer Undersecretary Claire Castro, nananatili ang posisyon ng gobyerno na walang jurisdiction ang ICC sa bansa matapos ang pag-atras sa Rome Statute.
Binigyan-diin ni Usec. Castro na hiwalay na usapin kung ang mga paratang ay tumutukoy sa mga pangyayaring naganap noong saklaw pa ng ICC ang Pilipinas.
