Hindi naiintindihan ng ilang mga grupo ang punto ni Pangulong Rodrigo Duterte nang ihayag ang kagustuhan ng pamilya Marcos na magsoli ng bahagi ng kanilang yaman sa pamahalaan.
Ito ang inihayag ng Palasyo matapos na akusahan ng grupong Campaign Against the Return of the Marcoses to Malacañang si Pangulong Duterte na tagapagsalita at negosyador na ng naturang pamilya.
Ayon kay Presidential Spokesperson Ernesto Abella, nais lamang maging transparent ni Pangulong Duterte kaya inilahad nito ang pagnanais ng pamilya Marcos na magsoli ng bahagi ng sinasabing kanilang nakaw na yaman.
Giit ni Abella, isinaalang-alang lamang ni Pangulong Duterte ang interes ng sambayanan at kung paano makikinabang ang mga Pilipino sa isosoling yaman ng mga Marcos.
