Kibit balikat na lamang si Pangulong Rodrigo Duterte hinggil sa kasong isinampa laban sa kaniya ni Atty. Jude Sabio sa ICC o International Criminal Court.
Ayon sa Pangulo, malaya aniya ang sinuman na magsampa ng kaso laban sa kaniya at handa niyang tanggapin kung ang kulungan talaga ang kaniyang hantungan.
Nabigyan na rin ang Pangulo ng kopya ng reklamo subalit wala aniya siyang balak pag-aksayahan pa iyon ng panahon hinggil dito.
Inamin din ng Pangulo na wala pa siyang kinakausap na abogado hinggil sa usapin at alam nito na maaari lamang malitis ang isang akusado sa bansa kung saan nangyari ang krimen.
By: Jaymark Dagala / Aileen Taliping
