Nasa Indonesia na ngayon ang pamilya ni Pinay drug convict Mary Jane Veloso.
Lunes ng hapon nang dumating sa Jakarta ang mga magulang ni Mary Jane na sina Cesar at Celia.
Naroon din sa Indonesia ang dalawang anak ni Mary Jane na sina Mark Darren at Mark Daniel, gayundin sina private counsel Atty. Edre Olalia at Migrante Rights and Welfare Program Coordinator Laorence Castillo.
Kaugnay nito, sinabi ni Olalia na bibisitahin nila si Mary Jane sa Yogyakarta Prison sa Enero 12 hanggang 14.
Habang sa Enero 15, makikipagpulong si Olalia kasama ang grupong Migrante sa mga Indonesian lawyers ni Mary Jane para makakuha ng updates sa kaso ng Pinay.
By Meann Tanbio