Isinailalim na sa Witness Protection Program (WPP) ang mga kaanak ni Mary Jane Veloso dahil sa mga natatanggap nitong pagbabanta.
Ayon kay National Bureau of Investigation (NBI) Director Virgillio Mendez, kabilang sa ilalagay sa pangangalaga ng WPP ay si Michael Candelaria, kinakasama ni Veloso at ang dalawa nitong anak.
Iniimbestigahan na rin ng NBI ang sumbong ng pamilya Veloso na may mga hindi kilalang kalalakihan ang umaaligid sa kanilang tahanan sa Nueva Ecija.
Una rito, nasampahan na ng kaso ang sinasabing illegal recruiter ni Veloso na si Cristina Sergio at Julius Lacanilao na hinihinalang mga miyembro ng isang international drug syndicate.
By Rianne Briones
