Wala pang naitatalang malaking paglabag sa minimum health protocols ang awtoridad simula nang isailalim sa Alert level 1 ang Metro Manila.
Ayon kay National Vaccination Operations Center at health undersecretary Myrna Cabotaje, malaking papel ang ginampanan ng mga Local Government Units (LGUs) sa pagtiyak nasusunod ng kanilang nasasakupan ang ipinapatupad na protocol para hindi na muling magkaroon pa ng COVID-19 surge.
Maliban dito, nagpaalala rin siya sa publiko at kandidato tungkol sa ligtas na pagdaraos ng mga aktibidad na may kinalaman sa eleksyon.
Giit nito, dapat may sapat na bentilasyon ang pagdarausang lugar at nakasuot ng face mask ang mga dadalo .
Binigyang-diin muli rin nito ang kahalagahan ng bakuna kontra COVID-19.—sa panulat Abie Aliño-Angeles