Tiniyak ng Malacañang na makukuha ng qualified government employees ang kanilang performance-based bonus kasunod ng ginawang pag-apruba ni Pangulong Ferdinand Marcos Jr. sa Fiscal Year 2024.
Ayon kay Palace Press Officer Undersecretary Claire Castro, sisimulan na ang pagproseso ng bonus at maaaring mas maagang maipamahagi ito sa ilang ahensya depende sa bilis ng kanilang proseso.
Para maging kwalipikado sa performance-based bonus, kailangang makakuha ang isang ahensya ng hindi bababa sa 70 points sa performance assessment.
Inaasahang ilalabas ang hiwalay na guidelines mula sa mga kinauukulang ahensya para sa implementasyon at pagpapalabas ng bonus sa mga kwalipikadong empleyado.—sa panulat ni Jordan Gutierrez
