Kumpiyansa si Senate President Sherwin Gatchalian na hindi makakahadlang sa impeachment trial ni Vice President Sara Duterte ang petisyong inihain sa Korte Suprema na kumukuwestyon sa pagkakahalal kay Senador Chiz Escudero bilang presiding officer.
Ayon kay S.P. Gatchalian, wala namang inilalabas na status quo ante order o temporary restraining order ang Korte Suprema kaya walang dahilan para ihinto ang mga pagdinig.
Ipinunto ng Pangulo ng Senado na kung sa tingin ng Supreme Court ay magkakaroon ng irreparable damage kung magpapatuloy ang impeachment trial, maaaring ihinto ang paglilitis.
Iginiit ng Senate President Gatchalian na tuloy-tuloy lamang ang impeachment proceedings at kasado na ang pagharap ng ilang testigo sa susunod na linggo.—sa panulat ni Jordan Gutierrez
