Inihayag ng Department of Labor and Employment (DOLE) na isinara na ng kagawaran ang aplikasyon para sa COVID-19 adjustment measures program o CAMP3 mula noong Marso 4.
Sinabi ng DOLE na ang CAMP3 o P5,000 cash-aid ay tulong sa mga manggagawa sa pribadong sektor na apektado ng deklarasyon ng Alert level 3, o mas mataas pa.
Sakali namang ipatupad muli ang naturang Alert level ay magbubukas at tatanggap muli ng aplikasyon ang DOLE para sa nasabing cash assistance.
Matatandaan, ang National Capital Region (NCR) at ilang mga lugar sa bansa ay nasa ilalim ng Alert level 3 sa halos buong buwan ng Enero.
