Pinapurihan ng Malakanyang ang Philippine National Police (PNP) kaugnay sa agarang pagkakatukoy ng mga ito ng akusado sa pagpaslang kay Ako Bicol Party list Rep. Rodel Batocabe at sa police escort nito SPO1 Orlando Diaz.
Ayon kay Presidential Spokesman Salvador Panelo, isang malaking development ang resulta ng imbestigasyon na ito ng PNP kung saan ang itinuturong utak ng pagpaslang sa mambabatas ay si Daraga Mayor Carlywn Baldo.
Kasabay nito, tiniyak ni Panelo na walang magaganap na pagkaantala sa gagawing paglilitis sa mga suspek.
Sa paglilitis aniya magkakaroon ng pagkakataon si Baldo at iba pang suspek na pabulaanan ang ipinupukol sa kanilang akusasyon.
Samantala, hinimok rin ni Panelo ang publiko na manatiling nakaalerto at mapagmatiyag laban sa mga kahina-hinalang kilos ng mga tao sa kanilang lugar at mangyaring ipagbigay alam agad sa mga otoridad.
