Kinontra ng Malacañang ang pahayag ni Senador Bongbong Marcos na wala pang natatanggap na benepisyo ang pamilya at kaanak ng SAF 44.
Ayon kay Presidential Communications Secretary Sonny Coloma, malinaw sa record ng PNP na mahigit P69 million pesos lump sum na ang naibigay sa pamilya ng SAF 44 bilang bahagi ng death benefits bukod pa buwanang pension.
Pinayuhan ni Coloma si Marcos na dapat i-validate muna ang mga impormasyon para hindi lumalabas na gumagawa ito ng sariling kuwento.
By Judith Larino | Aileen Taliping (Patrol 23)
