Bahagyang bumaba ang transmission rates sa mga electric bill ng mga konsumer ngayong buwan.
Ito mismo ang kinumpirma ng National Grid Corporation of the Philippines, bunsod ng pagbaba sa ancillary service at transmission wheeling rates.
Mula sa 1 piso at 41 sentavos kada kilowatt-hour noong Agosto, bumaba ang kabuuang average transmission rate para sa September 2025 billing period sa 1 piso at 39 sentavos kada kilowatt-hour.
Paliwanag ng NGCP, hindi sila kumikita sa A-S rates dahil ang mga bayaring ito ay diretsong ibinabayad sa mga generating companies.
Para sa electric bill ngayong Oktubre, 59 sentavos kada kilowatt-hour lamang ang singil ng NGCP para sa paghahatid ng serbisyo nito.
Kaugnay nito, patuloy ang ahensya sa pagsusulong ng efficient grid operations upang matiyak ang maayos, ligtas, at abot-kayang serbisyo sa mga konsyumer sa buong bansa.
