Nanindigan si Vice President Sara Duterte na hindi siya magpapatulong kay Pangulong Ferdinand Marcos Jr. para pagbigyan ang interim release ng kanyang ama na si dating Pangulong Rodrigo Duterte.
Naniniwala si VP Sara na irreversible act, o wala nang tsansang baguhin pa ni Pangulong Marcos ang mga desisyon nito.
Bagaman, batid ng Bise Presidente na maituturing nang problema ng pamilya ang pagkakadetine ng dating Pangulo, hindi siya personal na hihiling ng anumang tulong kay Pangulong Marcos para sa kanyang ama.
Nabatid na ang amang Duterte ay kasalukuyang nakadetine sa The Hague, Netherlands dahil sa kasong crimes against humanity matapos ipatupad ang war on drug campaign noong siya pa ang Pangulo ng Pilipinas.
