Naki-usap si NCRPO o National Capital Region Police Office Chief Director General Oscar Albayalde sa mga raliyista na idaos nang mapayapa at maayos ang kanilang mga protesta ngayong araw.
Pinaalalahanan din ni Albayalde ang mga raliyista na bantayan ang kanilang hanay para hindi mapasukan ng mga nagnanais magsimula ng kaguluhan.
“I-check po yung kanilang hanay para hindi sila mahaluan ng masasamng elemento na puwedeng mag-take advantage at baka sila ang magsimula ng gulo, magkasakitan, at baka po maraming madisgrasya hindi lang sa kanilang hanay pati yung ating mga Kapulisan na nagbabantay.” Ani Albayalde
Samantala, wala namang namomonitor na banta ng terorismo ang NCRPO kaugnay ng kaliwa’t kanang protesta ngayong araw.
“Sa ngayon wala pa tayong nakukuhang any threat, ang binabantayan ay sa mismong hanay ng mga magpo-protesta, yan po ang mahigpit nating binabantayan.” Pahayag ni Albayalde
—-
