Iginagalang ng Malacañang ang pahayag ni dating Pangulong Fidel Valdez Ramos na bigo ang Pangulong Rodrigo Duterte na matugunan ang ibang problema ng bansa sa unang isang daang araw sa puwesto.
Ayon kay Presidential Spokesman Ernesto Abella, umaakto lamang aniya si Ramos bilang isang ama.
Paglilinaw ni Abella, hindi ang actual actions ng Pangulo ang pinatutungkulan nito kundi ang public relations at foreign relations
Sinabi pa ni Abella na pinakikinggan ng palasyo ang mga puna ni Ramos.
Pero kung babalansehin aniya, sinabi naman ni Ramos na malaki naman ang nagawa ng Pangulo kung ang pag uusapan ay ang peace and order, kapayapaan, at paglaban sa kahirapan.
By: Avee Devierte / Aileen Taliping
