Iprinotesta ng abogado ng inarestong spokesman di umano ng New People’s Army ang paglipat sa kanyang kliyente sa hindi tinukoy na lugar.
Ayon kay Atty. Kristina Conti, abogado ni Jaime Padilla, hindi man lamang ito ipinaalam sa kanya o sa pamilya ni Padilla.
Tiniyak ni Conti na pananagutan ng Philippine National Police (PNP) at ng administrasyon kapag may nangyaring hindi maganda kay Padilla.
Mataas ang presyon ni Padilla at may sakit ito sa puso kaya sya nasa Cardinal Santos Medical Center sa San Juan City kung saan sya naaresto ng PNP-CIDG.
