Isinusulong ni Quezon City Mayor Joy Belmonte ang pagtatayo ng mga all gender toilets sa lahat ng mga establisyemento sa kanilang lungsod.
Ito’y ayon kay Belmonte ay matapos ang insidente ng umano’y diskriminasyon ng isang janitress ng Farmers Mall – Cubao sa transgender woman na si Gretchen Diez.
Ayon sa Alkalde, maaari aniya itong ilagay sa 3rd, 4th o 5th palapag ng mga establisyemento kung saan, kakaunti lamang ang gumagamit nito.
Kasabay nito, mariing kinondena ni Belmonte ang nangyari kay Diez lalo’t may umiiral na ordinansa sa kanilang lungsod na nagtataguyod ng pantay na pagtingin sa lahat ng kasarian.
