Bantad umano sa cyberhacking ang Bangladesh Central Bank dahil sa kawalan ng firewall ng kanilang computer system.
Ito ang lumabas sa imbestigasyon ng Forensic Training Institute ng Bangladesh Police Criminal Investigation Department.
Ayon kay Mohammad Shah Alam, punong imbestigador ng nasabing bansa, maliban sa kawalan ng firewall, gumagamit din ang kanilang central bank ng mga mura at segunda manong computer unit.
Dahil dito, sinabi ni alam na madaling mapasok ng mga hacker ang nasabing sistema dahil sa mahinang seguridad, bagay na dapat pagtuunan ng pansin ng kanilang gobyerno.
By Jaymark Dagala
