Welcome sa pamunuan ng Philippine National Police (PNP) ang pagtatalaga ni Pangulong Rodrigo Duterte kay dating Justice Secretary Vitaliano Aguirre II bilang bagong commissioner ng National Police Commission (NAPOLCOM).
Ayon kay PNP Chief Police General Debold Sinas, masaya sila sa appointment ni Aguirre at handa silang makasama ito sa serbisyo publiko.
Mababatid na ang NAPOLCOM ay attached agency ng Department of the Interior and Local Government (DILG) na sya namang may kontrol sa PNP.
Kasunod nito, sa isang pahayag sinabi ni Aguirre sa isang pahayag na sisikapin nyang mapagbuti pa ang NAPOLCOM, nagpapasalamat din aniya ito sa pangulo at sa tiwalang ibinigay nito sa kanya.
Samantala, itinalaga si Aguirre matapos yumao si NAPOLCOM Vice Chairman Rogelio Casurao.
