Aabot sa 95,741 na pamilya o katumbas ng 139,146 na indibiduwal ang apektado ng bagyong Agaton sa 9 na lugar sa bansa.
Batay ito sa 8am update ng National Disaster Risk Reduction and Management Council (NDRRMC) ngayong araw.
Partikular na apektado ayon sa NDRRMC ay ang nasa 274 na mga Barangay sa mga rehiyon ng Bicol, Western, Central at Eastern Visayas, Northern Mindanao, Davao Region, SOCCSKSARGEN, CARAGA at BARMM.
Mula sa naturang bilang, aabot sa 4,681 na pamilya o katumbas ng 17,070 indibiduwal ang pansamantalang nanunuluyan sa mga evacuation center habang ang ilan ay nakikituloy sa kanilang mga ka-anak.
Una rito, napaulat na may mahigit 20 ang nasawi sa nangyaring landslide sa Baybay City sa Leyte, subalit ayon sa NDRRMC ay patuloy pa itong isinasailalim sa masusing beripikasyon bago maisama sa opisyal na bilang. —sa ulat ni Jaymark Dagala (Patrol 9)