Target ng kamara na mai-akyat sa Senado ang impeachment complaint laban kay Chief Justice Maria Lourdes Sereno sa Marso.
Ayon kay House Speaker Pantaleon Alvarez, bago ang break para sa Mahal na Araw ay posibleng maihain na ang reklamo kay Sereno sa Senado na magsisilbing impeachment court.
Ngayon palamang aniya ay sinisimulan na nila ang drafting ng articles of impeachment laban sa Punong Mahistrado.
Binigyang diin ni Alvarez na maghinay-hinay muna si Sereno sa pagnanais na mai-akyat sa Senado ang usapin dahil kailangan muna itong isaayos.
Kabilang sa inaabangan sa susunod na pagdinig ng House Justice Committee ay ang pagharap ng psychiatrist na sumuri kay Sereno bilang bahagi ng proseso na itinatakda ng Judicial and Bar Council o JBC.
—-
