Sinalungat ni Incoming Justice Secretary Vitaliano Aguirre II ang pagsusulong ng tagapagsalita ni Presumptive President Rodrigo Duterte na maiproklama na ito nang maaga.
Sinabi ni Aguirre, wala sa konstitusyon na maaari nang iproklama ang isang Presidential candidate kapag nag-concede na ang ibang kalabang kandidato.
Hindi rin, aniya, isinasaad sa konstitusyon na maaaring magproklama ng isang Pangulo kahit wala pang Pangalawang Pangulo.
Una nang sinabi ni Incoming Presidential Spokesman Atty. Salvador Panelo na huwag nang hintayin kung sino ang idedeklarang Bise Presidente para maiproklama na agad si Duterte.
Dagdag pa ni Aguirre, walang shortcut sa proseso ng konstitusyon kaya kahit pormal pang tanggapin ang pagkatalo ng hindi pa nagko-concede na Presidential Candidate na si Senadora Miriam Defensor-Santiago, hindi pa rin maipoproklamang Presidente agad si Duterte.
Kailangan aniyang matapos muna ng Kongreso ang pagbibilang ng boto bago maiproklama ang mga nanalong kandidato.
By: Avee Devierte