Pabor si Senate Minority Leader Ralph Recto sa nais ni Pangulong Rodrigo Duterte na paglinisin sa ilog Pasig ang halos 400 pasaway na pulis sa Metro Manila.
Ayon kay Recto, dapat isagad na ng mga pulis ang kanilang paglilinis sa nasabing ilog upang paghandaan na rin ang muling pagbabalik ng Pasig River Ferry System.
Mayroon aniyang hirit na halos P3-B ang Department of Transportation o DOT para sa rehabilitasyon ng Pasig River na nagseserbisyo mula Intramuros sa Maynila patungong Pasig City.
Giit pa ng senador, mahalaga ang Pasig River Ferry System upang makatulong sa nararanasang kalbaryo ng mga pasahero bunsod ng mabigat na daloy ng trapiko sa Metro Manila.
By Jaymark Dagala
