Ipinagbabawal sa ilalim ng Code Red Sub Level 2 ang pagdaraos ng misa at panonood ng sine.
Ito, ayon kay Health secretary Francisco Duque III, ay para maiwasan ang pagkakaroon ng mass gatherings at mapigil ang pagtaas ng kaso ng 2019 coronavirus disease (COVID-19).
Tinukoy ni Duque ang nangyari sa South Korea na ang paglobo ng kaso ng COVID-19 ay dulot lamang ng isang infected na pasyente na nagsimba sa isang relihiyon.
Umapela si Duque sa publiko na magsakripisyo lamang muna para na rin sa kapakanan ng lahat.
Sinabi ni Duque na inaasahang ngayong araw na ito ay mailalabas ang detalyadong guidelines sa ipatutupad na community quarantine sa National Capital Region (NCR).
