Pagtupad sa pangako kaya nasa Indonesia ngayon si People’s Champ Manny Pacquiao para makita ang Pinay drug convict na si Mary Jane Veloso.
Ayon kay National Union of Peoples’ Lawyer (NUPL) Secretary General Atty. Edre Olalia, posibleng bukas, Biyernes ay magkita na sina Pacquiao at Veloso kung mabibigyan ito ng pahintulot ng Secretary General ng Indonesia.
Kumpiyansa naman si Olalia na ang pagdalaw ni Pacquiao ay mayroong positibong maidudulot sa kaso ni Veloso.
“Siguro naman baka pagbigyan, dahil hindi lang naman sikat na boksingero si Manny, tumatayo din siyang Vice Chairman dun sa komite sa kongreso.” pahayag ni Olalia.
By Rianne Briones | Ratsada Balita
