Papayagan na ng lokal na pamahalaan ng Catanduanes na makapasok sa lalawigan ang pagbiyahe ng mga buhay na baboy maging ang mga meat products mula sa Bicol at iba pang karatig lugar.
Ito ay matapos ilabas ang executive order o e.o ng provincial government kasunod ng kumpirmasyon ng Provincial Veterinary Office, na wala na umanong naitatalang kaso ng African Swine Fever sa lalawigan mula nang isinagawa ang pinakahuling depopulation noong nakaraang taon.
Base sa panikabagong kautusan, ang mga papasok sa lalawigan ay kinakailangang may Veterinary Health Certificate mula sa lisensyadong farm o municipal and city veterinarian at shipping permit mula naman sa regional o provincial quarantine officer ng pinanggalingang lugar. —sa panulat ni Angelica Doctolero
