Suportado ni Chief Presidential Legal Counsel Salvador Panelo ang naging pahayag nina Presidential Spokesman Harry Roque at Foreign Affairs Secretary Alan Peter Cayetano laban sa ilang Non-Government Organizations.
Sinabi ng nasabing dalawang mataas na opisyal na posibleng ginagamit ng ilang sindikato ng illegal na droga ang ilang NGO’s partikular na ang mga human rights group para siraan ang Dutere Administration.
Ayon kay Panelo , hindi na nakakagulat ang nasabing paratang dahil nangangailangan naman talaga ng pondo ang mga human rights group at posibleng tumanggap ang mga ito ng donasyon nang hindi nila nalalaman kung sino ang nagbigay.
Pumalag naman ang Human Rights Watch Asia sa mga pahayag nina Roque at Cayetano , at iginiit na mistulang ipinoporma na ng gobyerno na magkaron ng death squad na papatay sa mga human rights advocate.
-Jopel Pelenio
