Welcome sa Palasyo ang pagkakabilang ng Sinovac coronavirus disease 2019 (COVID-19) vaccine sa tala ng World Health Organization (WHO) na ginawaran ng emergency use authorization (EUA).
Sa isang pahayag, sinabi ni Presidential Spokesperson Secretary Harry Roque na ang naturang hakbang ay paniguradong magpapataas sa kumpyansa o vaccine confidence sa naturang brand ng bakuna.
Ibig sabihin lang, ani Roque, na dumagdag pa ang WHO sa mga nagpapatunay na ligtas at epektibo ang Sinovac COVID-19 vaccine.
Mababatid na batay sa pagtataya ng Food and Drug Administration (FDA) ay naglalaro sa 65% hanggang 91% ang efficacy rate ng Sinovac vaccine partikular sa age group na 18 hanggang 59 years old.
Kasunod nito, muling hinimok ng pamahalaan ang publiko na magpaturok na ng bakuna kontra COVID-19 kahit ano pang brand ito.