Limang libong (5,000) ecstasy pills na nagkakahalaga ng 7.5 milyong piso at ilang bloke ng amphetamine ang nasabat ng Bureau of Customs sa Manila Central Post Office.
Ayon kay Customs Commissioner Nicanor Faeldon, nakapangalan ang package sa isang Don Arnold at Martin Domingo.
Inabangan anya ng mga tauhan ng Bureau of Customs at PDEA sina Arnold at Domingo sa post office subalit hindi sila dumating para kunin ang kanilang package.
Idineklarang mga laruang kotse at puzzles ang laman ng packages.
By Len Aguirre
