Mahigit P6-M halaga ng shabu na itinago sa loob ng apat na CCTV camera ang nalambat ng Bureau of Customs (BOC) sa Clark, Pampanga.
Ayon sa BOC, nakatanggap sila ng impormasyon na may bagahe umanong ipadadala sa Auckland, New Zealand na idineklara bilang “CCTV Camera at Video Recorder.”
Isinailalim sa physical examination ang mga nasabing bagahe kung saan nadiskubre ang anim na pakete ng shabu na tumitimbang ng isang kilo.
Agad inisyuhan ng Warrant of Seizure and Detention ang nasabing padala habang tinutunton na ang nagpadala ng kontrabando. —sa panulat ni Drew Nacino
