Mapapasakamay na sa Disyembre 15 ng mga empleyado ng gobyerno ang P5,000.00 na Productivity Enhancement Incentive o PEI.
Ipinabatid ito ni Budget Secretary Benjamin Diokno matapos paglaanan ng gobyerno ng halos 8 bilyong piso ang nasabing PEI bonus sa mahigit isang milyong empleyado ng pamahalaan.
Ang PEI ay ibinibigay sa mga empleyado ng gobyerno na nasa serbisyo pa hanggang Nobyembre 30 at nakapag – serbisyo na ng kabuuang apat na buwan ng may ‘satisfactory’ service hanggang Nobyembre 30.
Ang naturang kautusan ay sa ilalim ng Budget Circular No. 2017 – 4, na inilabas ng DBM ngayong Lunes, Disyembre 4.