Tinatayang P20-milyong halaga ng luxury cars ang nakumpiska ng Bureau of Customs sa Manila International Container Port.
Ayon sa Customs, idineklara ng consignee na Blue Core Enterprises bilang mga furniture ang mga naturang sasakyan.
Nagduda ang mga otoridad kayat isinalang sa x-ray ang shipment at natuklasan ang imported luxury vehicles tulad ng Bentley, Porsche, Mercedez Benz at half-cut Volkswagen.
Mahaharap sa kasong paglabag sa Customs modernization and tariff act ang importer ng mga naturang luxury cars.
Iniimbestigahan na ang mga sangkot sa nasabing transaksyon.
