Pinayagan ng Korte Suprema ang Office of the Solicitor General na katawanin ang pamahalaan sa habeas corpus petition na inihain nina dating Pangulong Rodrigo Duterte at Senador Ronald “Bato” Dela Rosa kaugnay ng pakikipagtulungan ng Pilipinas sa International Criminal Court.
Tinanggap ng Supreme Court ang manifestation at entry of appearance na inihain ng OSG noong Disyembre a-uno, na nagsasaad ng pagbabalik nito sa tungkulin bilang abogado ng mga respondent mula sa pamahalaan.
Ito’y matapos tumanggi noon ang OSG, sa ilalim ng dating Solicitor General Menardo Guevarra, na katawanin ang gobyerno dahil sa paninindigang walang hurisdiksyon ang ICC sa Pilipinas.
