Magsasagawa ng tatlong araw na tigil-pasada ang transport group na Manibela simula Disyembre 9 hanggang 11.
Ayon kay Manibela President Mar Valbuena, ang nationwide transport strike ay ikakasa upang ilantad ang sinasabing walang habas na pangongotong at sistematikong panggigipit ng Land Transportation Office sa mga driver at operator ng pampublikong transportasyon.
Iginiit ni Valbuena na posible pang mapalawig ang tigil-pasada bago matapos ang taon kung hindi tutugunan ang palpak na serbisyo ng LTO at ang kawalan ng malinaw na sistema at patakaran.
