Epektibo na ngayong araw ang P0.30 na oil price rollback ng mga kumpaniya ng langis sa kanilang diesel at kerosene.
Alas-6:00 ngayong umaga nang inilarga ng mga kumpaniyang Shell, Petron, Jetti, Eastern at Phoenix Petroleum ang kanilang rollback.
Habang una nang nagpatupad ng kaparehong rollback ang mga kumpaniyang Flying V at Seaoil kaninang alas-12:01 ng madaling araw.
Una nang ipinabatid ng Department of Energy o DOE na tanging sa diesel at kerosene lamang mayroong tapyas sa presyo habang wala namang magiging paggalaw sa presyo ng gasolina.
—-
