Muli na namang nagpatupad ngayong araw ng taas presyo sa mga produktong petrolyo ang mga kumpaniya ng langis sa ikatlong pagkakataon ngayong buwan.
Animnapu’t limang sentimos ang umento sa kada litro ng diesel, 60 sentimos sa kerosene habang 45 sentimos naman sa gasolina ang ipatutupad ng mga oil companies.
Epektibo ala sais ngayong umaga ang umento ng mga kumpaniyang Shell, Petron, Seaoil, PTT, Eastern Petroleum, Phoenix at Unioil para sa gasolina at diesel habang kaninang alas dose uno ng madaling araw nagpatupad ng kaparehong taas presyo ang kumpaniyang Flying V.
Samantala, tanging ang mga kumpaniyang Shell, Petron, Seaoil at Flying V lamang ang mayruong taas presyo sa kada litro ng kanilang kerosene.
By: Jaymark Dagala
