Namatay ang tatlong tao sa salpukan ng isang ten-wheeler truck at tricycle sa Quezon Province.
Ayon sa imbestigasyon, binabagtas ni Rene Pelayo ang Maharlika Highway sa Atimonan, Quezon Province papuntang Bicol kahapon nang bumangga ang minamanehong truck sa isang tricycle na nagmula sa kasalungat na direksyon.
Bumaligtad ang truck at nadaganan ang tricycle na ikinamatay ng driver nito na si Joel Moresca at Trese Anyos na pasahero na si Icel Potaso at Bente Otso Anyos na si Mary Rose Hernandez.
Dahil sa nawalan umano siya ng kontrol dulot ng brake failure, kasalukuyang nasa Atimonan Police Jail ang truck driver dahil sa pananagutan sa nasabing aksidente.
By: Avee Devierte