Nagtalaga muna ng OIC o Officer-in-Charge ang Pangulong Rodrigo Duterte sa Department of Social Welfare and Development (DSWD) matapos ibasura ng Commission on Appointments (CA) ang appointment ni dating Secretary Judy Taguiwalo.
Ipinabatid ni Presidential Spokesman Ernesto Abella na pangangasiwaan muna ni Social Welfare Undersecretary for Finance and Administration Emmanuel Leyco ang ahensya habang wala pang nahahanap na itatalagang kalihim.
Magugunitang inihayag ni Abella na dadaan sa pagsala at mataas ang magiging pamantayan ng Pangulo sa pagpili ng magiging miyembro ng kaniyang official family.
By Judith Estrada – Larino | Ulat ni Aileen Taliping
