Isang Pilipino sa Kuwait ang kumpirmadong nagpositibo sa coronavisus disease 2019 (COVID-19).
Ayon sa Embahada ng Pilipinas sa Kuwait, nagkaroon ng close contact ang nabanggit ng Filipina domestic worker sa isang biyahero mula United Kingdom.
Bagama’t stable ang kondisyon ng Pinay, tiniyak ng Philippine Embassy at POLO-OWWA na mahigpit silang naka-monitor sa kalagayan nito.
Ang nabanggit na babaeng domestic worker ang kauna-unahang kaso ng Pilipino na nahawaan ng COVID-19 sa Kuwait.
Kasunod nito, pinaalalahanan ng embahada ang lahat ng mga Pilipino sa kuwait na manatili muna sa kanilang mga tahanan, ugaliing sumunod sa kuwaiti authorities at manatiling malusog.
